Modiene famile : Diferince etur modêyes
Contenu supprimé Contenu ajouté
Corwaitaedje. |
|||
Roye 17:
=== Cwatrinme manaedje ===
Po fini, [[Haley Dunphy-Marshall|Haileye]] et [[Dylan Marshall|Dilane]] ont ene djermale, Djôr ''(George)'' et Popeye ''(Poppy)''. Haileye n' a todi pont d' diplome, mins Dilane va a scole po divni sognant. Come li novele famile n' a pont d' cwårs, c' est Claire et Fil k' atoetnut les djonnès djins. Come Hailey ratindeut, il a falou k' leye et Dilan si maryénxhe rade moucheytiveuzmint, ene miete come ses parints lanawaire.
== Sipoûles ==
Tchaeke fime-boket a ses ptitès spoûles, avou èn ecsegnmint al difén. Po l' fime tot etir, li grande sipoûle, c' est l' timp ki passe: des djins aviyixhnut, des ôtès vegnnut å monde, pacôps des persounaedjes di deujhinme botnire mornut. Mins çou k' on voet dispoy li prumire disk' al dierene rîlêye, c' est ene djermêye di gamins ki crexhe, et tourner a grandès djins, fén a-z aclever zels minmes des efants. Les persounaedjes ont des laids costés, ey on lzè voet s' rabouni al dilongue. Åd contråve, les parints ont fwait des biestreyes dins leu djonnesse, et i volnut aschouwer leus efants, mins po fini les efants rotnut ezès smeles di leus parints.
== Corwaitaedje ==
Li fime ni tént avou nouk sistinme politike, nén schayetmint todi. Les persounaedjes riprezintnut des tuzas k' i gn a, mins come i sont metous n' onk padvant l' ôte, nouk ni såreut dmorer èn aschatî. Les spoûles di tchaeke fime-boket pousnut les persounaedjes a dner droet ôtes, et s' si rapinser pacôps. Afeye, on persounaedje a ses droetès lenes, mins gn a des laidès afwaires ki s' pasnut, et l' persounaedje ni såreut pus schoûter ses prôpès droetès lenes, ey adon i lyi fåt candjî d' idêye.
=== LGBT ===
Li spoûle di ''Modiene famile'' est assez avanciveuse po çou k' est des [[LGBT]]. Ene di côpe do fime, Mitch et Cam, c' est deus omes, k' afeynut ey aclever ene båshele. E-n èn boket do fime, ki s' passe do timp ki l' mariaedje po tertos a stî clawé ezès lwès, li côpe si mareye, et c' est ene des sipoûles d' ene rîlêye tot etire do fime. Des ôtes persounaedjes di deujhinme et troejhinme botnire ki sont gaiys et lesbyinnes aparexhnut al dilongue.
=== Adire d' ådje e mariyaedje ===
Li fime casse nete l' idêye ki, si ene djonne nozêye comere si marieye avou èn vî ome, c' est todi po les cwårs. Neni; vaici Gloriya raconte todi les ponants et les djondants douvént k' ele voet Djaiy voltî; minme si les cwårs di l' ome ni sont nén a taper pås finiesses, elle est ureuze e manaedje; d' alieur, elle a ddja metou des liårds so l' costé. On vout dire ki l' fime fwait les djins candjî d' idêye so ç' sudjet la. Gn a eto des persounaedjes di deujhinme botnire, ene côpe, ''Fernando'' et ''Pepper'', ki c' est co on djonne nozé latino ki s' marieye avou on vî ritche djwif amerikin, et nén po les çanses.
=== Raparintêye (rafwaite) famile ===
Gn a bråmint des renondés manaedjes. L' idêye des disvoircîs (ou des vefs) ki s' rimareynut et rfé leu veye rivént tofer. Djaiy acleve Manî, c' est l' fi d' si feme, disk' a l' vey tot si voltî ki s' il åreut sitî la lu. Cam et Mitch aclevnut leu neveu, paski l' metchante mere est e prijhon, et ki l' pa est so tchamps so voyes ey afeye e prijhon eto.
=== Comeres ovrer ===
Li tinme del feme ki n' overe nén est ratakêye d' ene ôte manire. Claire est pus diplomêye ki s'-t ome; s' ele n' overe nén po on timp, c' est po aclever les efants. Poy cwand ele ricmince a bouter, elle a des rujhes po s' fé respecter. Gloriya a stî tacsiteuse, on "mestî d' ome", mins après ele n' overe pus, po aclever ses efants. Purade ki d' taper l' hate so l' idêye del mare al måjhon, li fime el rafoircixh å stitchî
Cam, on persounaedje k' est pere al måjhon.
=== Etrindjirs ===
Les etrindjirs, foirt avant les latinos, sont bén corwaitîs. Po fini, gn a nolu did zels ki fouxhe nawe ou måhaitî.
=== Noers ey aziatikes ===
E fime, gn a des blanks ki saynut d' awè des soçons noers. Les noers sont mostrés sovént come des djins des minmès nanxhes ki les blanks. Gn a pont d' gueto.
On persounaedje del prumire botnire, Lili, est aziatike. E fime, on mostere comint k' les amerikins di stok aziatike, ça ls anoye s' on les revoye todi ås raecenes.
=== Splacas ===
''Modiene famile'' wåde bén sacwants splacas. Mitchî, on gaiy, a todi veyou li spôrt evi. Cam, si-t ome (ôte gaiy), creye et s' dislaminter tofer. Alecse, ene foirt sûteye båsheke, n' a pont d' ouys po les mousmints et les poudes. Les latinos ont des droles di manires. Les omes sont cåzu tchaeke côps prins påzès spôrts, foirt avant les valets a scole. Les valeurs et tuzance amerikinnes ni sont nén tofer rapinsêyes. Les latinos sont pus waeraxhes ki les amerikins.
Mins gn a des ôtes siplacas k' on speye. Cam est gaiy, mins il inme fotbalyî, disk' a tant k' i fouxhe prof di spôrt. Les meres al måjhon sont pacôps pus diplomêye ki les omes. Les cinsîs n' sont nén des payizans. Fil a des manires di djan-comere, mins sins esse gaiy.
{{dal}}
| |||