Gregne : Diferince etur modêyes

Ene '''gregne''', ou '''scheurexheure''', c' est l' boket do bastimint d' ene [[cinse]], la k' on rintere li [[four]], les [[awousse des dinrêyes|djåbes, et li strin]], po k' i soeyénxhe a houte.

* Li poite, avou ene [[MotîWikt:bawete|bawete]], et sovint èn [[MotîWikt:ouxh|ouxhlet]]. Li poite et ces ahesses la, on dit cobén: li [[MotîWikt:poite|poitreye]] di gregne. Sol boird, gn è pout aveur on [[houwoe]] po-z espaitchî les tchårs di dissocler l' poite.

* Li [[MotîWikt:berôdî|berôdî]]: c' est on plantchî metou padrî l' poite di gregne fwait avou des pîces di bwès metowes ene dilé l' ôte, a môde d' astaedje, lådje come li mitan del gregne, et deus a cwate metes long. Li berôdî fwait come on pitit cina d' rawete metou dirî l' poite del gregne. I rashîd so les sovronde, u so des bwès del tcherpinte.

* Li [[MotîWikt:hourdi|hourdi]] u l' hourd u l' dirî d' gregne : c' est on plantchî metou å fond del gregne, ådzeu del plaece ki les tchvås î moussént, avou l' tchertêye padrî. Sovint li plantchî esteut fwait d' belès plantches, po n' nén k' i n' tchaiye del poûssire so les tchvås, k' årént polou tosser.

* Li [[MotîWikt:schamea|schamea]] (pitit lodjmint fwait dins on tas d' four u di strin).

* Li [[MotîWikt:sovronde|sovronde]] u somî.

* Li [[MotîWikt:mafe|mafe]]: ene alêye a droete u a hintche del grande alêye, k' on-z î tapeut les djåbes. I pleut esse al tere u so on bas plantchî. On î meteut eto l' [[lén]]. Il esteut separé di l' aire di gregne pa on ptit murea, avou ene sovronde ådzeu.

* Li [[MotîWikt:cina|cina]] u [[MotîWikt:traveure|traveure]]: plaece po rmete li four.

* L' aire di gregne, k' on dit eto li [[MotîWikt:daegn|daegn]], u l' [[MotîWikt:batire|batire]].

* Li [[MotîWikt:hourdaedje|hourdaedje]] (li tcherpinte di dzeu).

* Li [[MotîWikt:houtche|houtche]].

* [[MotîWikt:tchesse-rowe|tchesse-rowe]]: pire metowe a l' intrêye des gregnes, po tchessî evoye li rowe des tcheretes, po n' nén disbrôler li poite di gregne

* Li [[MotîWikt:houtche|houtche]]: la k' on meteut les molowès dinrêyes.