Fåsse tchesse : Diferince etur modêyes

Li fåsse tchesse, c' est ene [[fåve do vî vî tins|racontroûle]] k' on trove dins des viyaedjes la k' gn a bråmint des bwès. Les djins oyèt des côps d' fizik, des coirnaedjes, et des boerlaedjes di trakeus, dabôrd k' i gn a nolu ki tchesse avårla. Et gn arive tot ene nindje di tot ptits tchéns ki passèt dins l' viyaedje.

==Sacwantès modêyes==

===Modêye di Rotchå===

 

Èn ôte côp, co todi avou ene feme ki vneut d' s' acoûtchî. Gn ourit ene binde di ptits tchéns ki passît e corant avå l' viyaedje, disk' a sol soû d' l' ouxh. Et bawyî "gnaf ! gnaf ! gnaf !". On fjha do brut esprès dins l' tchambe del feme po k' ele n' oyaxhe rén. Mins elle a oyou totafwait.

===Modêye do Bork===

Dins l' Grand Bwès Sint-Mitchî, inte [[Nåwinne]], [[Forire]] et l' [[Li Bork|Bork]], gn aveut ene hiedlêye di ptits tchéns ki tchessént del nute. I n' elzès faleut nén cbouter, ca adon, i vs arivéve måleur. Li ci ki bawive avou zels, i rçuveut s' pårt di tchesse. C' esteut ene pate di tchvå ki touméve el måjhon pal tchiminêye.

* On n' voet måy les tchesseus.

* Les djins polèt esse si barés mais i n' ont pont d' må.

===Classmint===

Ele si rindje dins tote ene rilêye di fåves so les tchesses, ki rmontèt foirt lon dins l' istwere. Ene ôte di ç' grope la, c' est l' cene di l' [[araedjî tchesseu]].