Bive (viyaedje) : Diferince etur modêyes

Contenu supprimé Contenu ajouté
mAucun résumé des modifications
mAucun résumé des modifications
Roye 27:
* [[wé (toponimeye)|Wé]]
* Wîtay
 
== Istwere ==
=== Moyinådje ===
Li pus vî papî ki cåze di Bive date du 770, ou timp du Pèpin le Bref. C'est la charte du [[Wandelaicus mansus]].
Eter [[Bive (viyaedje)|Bive]] et [[Hôt-Fayi]], a bijhe, s' a trové å [[13inme sieke]] (1242) li viyaedje di "Prâjî", (tot å pus, l' eglijhe, li for et l' molén) basti la pås moennes di [[Mouzon]] ([[Årdene francesse]]), ki vlént atåtchi l' eveke di Lidje, [[Dutcheye di Bouyon|Duk di Bouyon]], å wårdaedje des béns k' il avént yeu di tot timp (''ab antiquo'') a [[Djimbe]] et a Bive et k' ont co stî rconoxhous e 1245. Al fén do [[15inme sieke]], li signorreye di Bive s' a pårti eter mwintes tchesturlins; les moennes di Mouzon ont mågré tot wårdé leus droets so l' eglijhe, mins pårtis avou l' Abeye d' [[Ôrvå]], do timp do curé Ponsart.
 
Li prumî des d'Orcîmont a awè stî signeur di Bive si loméve Nicolas d'Orcîmont (1500), mimbe do [[les troes Estats|nôbe-estat]] do [[Dutcheye do Lussimbork|Lussimbork]]. Li dierin, troes siekes pus tård, c' esteut Djan-Djôzef d'Orcîmont, ki fjha rilief di ses droets li 13 di djun 1793. Li [[Revolucion Francesse|revolucion]] a metou fén al signorreye d' [[Orcîmont]], mins nén al famile k' est todi prezinte a Bive et sol payis.
 
=== Guere di 1914 ===
[[Imådje:Colone du Borbouze.JPG|thumb|colone del cimintire di Borbouze (clitchîz po-z agrandi et lére li tecse)]]
Al [[prumire guere daegnrece|guere di 1914]], li [[23 d' awousse]], gn a yeu on deur combat eter les Almands ki vnént d' Hôt-Fayi et les Francès ki vnént d' [[Orcîmont]]; les moirts del batreye ont lontins stî eterés al plaece k' il avént toumé, pwis, e 1917, ramoennés al cimintire militaire al plaece lomêye “[[Borbouze (Graide)|Borbouze]]” al gåre di Graide.
 
E 1932, tos ces sôdårds la ont stî rcandjîs on dierin côp viè l' grande cimintire di [[Maissin]]. Dabôrd 100 ans pus tård, on comemore todi les prumirès batayes di 1914. Les rprezintants des årmêyes almandes et francesses rivnèt tos les ans å moes d' awousse, rinde omadje ås leurs, toumés la bén lontins.
 
Li combat do [[23 d' awousse]] [[1914]] a fwait mwintes cintinnes di moirts dins les deus camps; li viyaedje lu-minme a yeu bråmint a sofri: 17 civils fuziyîs, 72 måjhons metowes a feu.
 
 
== Tuzance walone ==