|
A costé do mwaisse pordjet di rfondaedje [[UCW]] / [[Li Rantoele (soce)|Rantoele]], li seu eployî asteure, gn a yeu eto on pordjet diswalpé pa [[Johan Viroux]], prezinté teyoricmint e [[1994]], mins ki n' a pont yeu d' shûte. E 2006, [[Chantal Denis]] sicrijha on roman, [[Kî çk’ a touwé JFK ? (roman)|Kî çk’ a touwé JFK ?]], tot eployant çou k' ele lome ene saye d' [[ehåyî walon do Mitan]], foirdjî so les minmès atuzes ki li rfondou, mins fok pol [[walon do Mitan|Payis d' Nameur]].
{{Wiccionaire|rifondaedje}}
''Les mots [[Motî:rifonde|"rifonde" et "rifondaedje"]] ont eto des ôtes sinses pus corants.''
== Istwere do rfondaedje ==
Pus tård, [[Jean-Luc Fauconnier]] aveut stî rcweri dins les vîs papîs, et discovri k' i gn aveut ddja des djins k' avént SOHAITî on rfondou walon : [[Adelin Grignard]], [[Marcel Hicter]], et l' fameux papî Baye di 1957, rapexhî pa Djan Djermwin.
Djan-Luk FåconîFåcnî a minme drovou les pådjes do [[El Bourdon (gazete)|Bourdon]] a [[Lorint Hendschel]] po-z espliker l' traeyin.
{{Lka}} [[Tåvlotêye rifondaedje di l' UCW]]
Li [[SLLW]] a metou des ahotes a tot çou ki s' rapoirtéve å rfondaedje, copurade après li rlomé papî da [[Jean Lechanteur]] dins li [[Walones (rivowe)|rvowe "''Wallonnes''"]] e 1996. Dispu don, et todi dpus disk' ås djoûs d' ouy (2010), tos les [[waloneu]]s aloyîs al [[SLLW]] sont clairmint espaitchîs di håbiter les rfondeus.
: [[Tåvlotêye rifondaedje del Rantoele]]
Li [[CLRE]], après aveur diné on [[pris del Kiminålté Walonreye-Brussele|pris]] a on [[roman e walon|roman]] e rfondou ([[So l' Anuti (roman)|So l' Anuti]], 1995), ritoûne cazake, et frinne des cwate pates et do muzea disconte do rfondou.
Do costé des [[soces di scrijheus]], l' opôzucion å rfondou a divnou todi pus foite, ostant après [[Lidje]] k' après [[Nameur]] et [[Tchålerwè]]. Li rfondou n' a parvinou a s' afroyî on passaedje ki do costé del [[Basse Årdene]].
C' est on miråke ki les [[Li Rantoele (soce)|Rantoelîs]] ont sorviké al rascråwe, et ki l' rifondou a stî spårdou pal [[Daegntoele]]. Gn a eto yeu li voye des ratournaedjes éndjolikes k' a assaetchî des bouteus po li rfondaedje.
== Les såmes tecnikes do rfondaedje ==
| 