Bressaedje

Li bressaedje c' est l' fabricaedje del bire ou d' ôtès abwessons fwaites a pårteye di dinrêyes. On cåze pus stroetmint di bressaedje po l' etape do maxhaedje do brå e d' l' aiwe k' on fwait tchåfer eshonne. Dins cist årtike nos cåzrans pus lådjmint do bressaedje come fijhaedje del bire, do specixhaedje å metaedje e botaye

Bressaedje del Moinette al bressene Dupont di Tourpe (Leuze-e-Hinnot)

On bresse dispoy foirt lontins et i gn a des prouves arkeyolodjikes ki fijhnut pinser k' on bresseut ddja el viye Edjipe. On trove des viyès ricetes di sacwantès bires dins des scrijhaedjes sumeryin ki sont emey les pus vîs scrijhaedje k' on conoxhe.

L' industreye del birreye est ene des grossès industreyes des economeyes do Levant.

Nos alans vey les diferinnès etapes do bressaedjes e shuvant on bresseu d' mojhone

Li bressaedje (sitroetmint)

Li molaedje

Li molaedje do brå e molén a brå

Li brå d' oidje ou des ôtès dinrêyes sont molowes e molén. I n' fåt nén fé del farene di tot: i fåt ki l' ewalpeure do grin dmore etire mins k' l' ådvin dvegne del farene.

Li bresseu maxhe sacwantès sôres di brås ou d' dinrêyes po fé si recetes:

• do clair brå po fé l' grosse pårteye del bire
• do brå caramel e ptite cwantité po fé del rossete bire
• do brå tchocolåt e ptite cwantité po fé del brune ou del noere bire
• do frumint, del sipeate, do swele nén bråhîs po fé del blanke bire ou d' ôtès speciålès bires
• do riz ou do mayisse spotchî po fé l' claire bire moens tchir
• ...

Li specixhaedje

Do clair brå