Pitit-Fayi : Diferince etur modêyes
Contenu supprimé Contenu ajouté
m rebanêye comene d' asteure |
Aucun résumé des modifications |
||
Roye 10:
== Pocwè l' no "Pitit"-Fayi ==
Cwand on-z a dvou mete des nos diferins po tos les viyaedjes k' on djheut "å Fayi", on-z a metou "Pitit", pask' i gn aveut on ''Gros Fayi'' ([[Grå-Fayi]]) addlé.
Poucwè "l' Fayî? Pasku Fayi vint du "Fau", ki vut dire one hèsse, one hasse. Fåt sawè ku l' sapin n'est counu è l' Årdène ku tins du 19° siéke. Divant, ç'esteut des hèsses et des tchènes ki fjint l' sômî dul forêt, a costé des tayîs d' boûles et d' sôs et des viréyes du dgnêsses.
Nin ètounant k' on rasconture a mwintes places lu nom d' Fayi dins les noms d' viadjes.
Sul ban dou Fayi, gn è in site ki mèrite k'on s'î arète. Atère lu Fayi et Tchîplanes, c'est ène parfonde valéye avou l' rouchê du Ruaumolin ki vint d' Bayamont et va s' taper a Smwa a Vresse. Dins ène ruculéye d' rotches, pus bas ku l' pont des bèrbis,on wêt la grote doul Rotche-Mousèle. C'est in crin d'rotche k' è dja siêrvu a catchi les curés ku les Francès avint tchèssî al révolucion du 1789, pîs après å cîs ki n' vlint nin siêrvu dzous Napolèyon.
Pus près d' nouzôtes, c'est sté la catchète des cîs du Moncê, k'avaint abandouné l' viadje tins dul Bataye du Bîve, le 23 d'aousse 1914. La grote est å pîd d'ène hyôte crèsse si a pic k' on n' î sårot nin tnu campé. C'est ç'crèsse la ku deus tchfôs francès, subarés p'ås côps d' canon, ont dèvalé vinte al tère pou vnu s'abate duvant la grote su in tchår ku les afants vnint d' kiter pouz aler mougnî.
Les djans ont criyî å miråke et èn åté è sté amènadjî dins la grotte, coume a Lourdes. Tous lz ans, lu djoû doul dicåce, on dit messe al Rotche-Mousèle.
| |||