Ernest Montellier

Ernest Montellier (sipoté e walon li Nesse) a skepyî li 21 d' avri 1894 å Sårt d' Avri. I mora li 6 d' octôbe 1993.

C' esteut on compôzeu d' muzike. C' est lu k' est rwaitî come li ci k' a l' pus compôzé d' muzikes so des cåzaedjes e walon. 

E 1931, il a divnou l' moenneu des Cwarante Molons.

Il a bouté des ans et des razans avou les Relîs namurwès.

Il a fwait des rcweraedjes so les viyès tchansons et les viyès danses do payis d' Nameur.

Il a scrît eto des cantikes et ene boune dijhinne di messes e walon.

Di s' mestî, il esteut prof a l' academeye di muzike et a l' atenêye di Nameur.

Sacwantès compôzicions

Tchansons e walon

• "Al berce" (cåzaedjes da Joseph Calozet)
• "Si vey voltî" (cåzaedjes da Emile Robin)
• "Payis d' Mouze" (cåzaedjes da Lucien Léonard)

Operetes e walon

• L' istwere do bea bouket (sicrijhaedje da Jules Evrard)
• Li cariyoneu d' Sint-Åbwin (sicrijhaedje da Jules Evrard)

Ôtès sacwès

• Li djesse da Sinte Djulyinne (sicrijhaedje da Joseph Calozet & Jean Guillaume; pîce a môde des misteres del Moyinådje).
• Blanche de Namur, reine de Suède et de Norvège (operete e francès avou todi on sicrijhaedje da Jules Evrard)