Yebe di troye : Diferince etur modêyes

Contenu supprimé Contenu ajouté
Aucun résumé des modifications
(Nole diferince)

Modêye do 28 djanvî 2005 à 10:47

li yebe di troye (on dit eto: li spigne), c' est ene plante, assez råle el Walonreye, mins corante ezès waides di montinnes (did la si no e francès ,, k' ode ene miete come ene troye, et k' on s' sieve di si raecene po les maladeyes. On s' endè sierveut eto po planter so les tombes.

No e sincieus latén Meum athamanticum

Sacwantès plaeces la k' gn aveut di l' yebe di troye

å Fraiti, a Straimont.

Uzaedjes del plante

Come yebe ås maladeyes

A l' erire-såjhon, i fåt disterer et côper les rcinêyes. On grete d' on costé d' ene tokêye po n' prinde k' ene pårt des rcinêye. C' est des grossès rcinêyes d' on bon dmey cintimete I fåt adon bén rnetyî les rcinêyes, e lzès frotant comifåt avou ene pitite brouxhe. Cwand elle sont bén prôpes, on les ctaeye a bokets di 2 a 3 cintimetes di longueur. On les mete trimper dins on bocå, k' on î vude del blanke gote a 40°. Po ene pougneye di rcinêyes, on mete on cwårt di lite di gote. On leye todi les rcinêyes dins l' gote. Ele purdèt adon ene pus foncêye coleur. Ça s' wåde ad vitam eternam. Cwand on-z a må l' vinte, u k' on a les trantchêyes, on boet on tchiket d' ene trake, mins nén dpus. C' est seur, et ça gostêye on pô l' troye. Adon, li må esteut covite evoye.

Come wårniteure des tombes =

On va cweri ene u deus tokêyes d' yebe di troye pol riplanter sol tombe. Li plante florixh en on bea blanc paraplouve blanc, avou do mayta djaene u incarnåt. Po kel plante rissôrtixhe bén, on meteut del tere di fåde (bén noere) disso l' tombe.

Sourdant: P. Otjacques ramexhné da Julien Maquet, Singulîs, 2 / 2002