Djan-Leu (roman) : Diferince etur modêyes

Contenu supprimé Contenu ajouté
mAucun résumé des modifications
mAucun résumé des modifications
Roye 14:
 
Gn a pont d' ahavtaedje dins l' tins. Mins c' est pus rade des trevéns "classikes" des romans e walon (20inme sieke) ki ene sacwè ki s' passe å djoû d' ouy, come c' esteut l' cas po les ôtes romans da Lucyin Somme.
 
== Li romantisse et l' filozofeye ==
Djhan-leu, c' est èn ome ki vike å mitan del nateure, et ki lyi cåze :
:''Dins on bwès, voeyoz, tolmonde cåze avou tolmonde. Sins ddja drovi s' boke. Avou ses ouys, å pus sovint. A pårt kécfeye les moxhons ki sont tofer e ramaedje. A pårt kécfeye on cier po fé d' ses rinkinkins.'' (p. 5)
 
I n' sereut nén lon di pinser come [[Jean-Jacques Rousseau|Rousseau]] : dins l' nateure, les djins sont bons; mins dins on viyaedje, gn a dpus d' xhinåds ki d' vayants.
:''Gn aveut pont di rnike. Gn aveut les bons et ls ôtes. Et co ! Ci n' esteut nén do mitan-mitan come on l' åreut kécfeye sondjî. Les bons, dj' els åreu yeu rashonné dins on saetchot d' fritches. Les ôtes, zels, i m' end åreut falou, des tchårs et des begnons po les î mete tertos eshonne et sayî d' les conter.'' (p. 115)
 
Po rovyî les laidès keures des djins, Djhan-Leu, k' a todi on ptit calpin sor lu, sicrît des [[pinsêye (scrijhaedje)|pinsêyes]], des "idêyes po s' rimete d' assene", sapinse a s' soçon, li mwaisse di scole, ki lyi a dné l' apinse do ptit carnet.
* Tuze aprume å bea sorire di l' efant ki t' a criyî bondjoû.
* Padrî l' nûlêye, vaila, gn a on solea
 
== Årt do raconteu ==
* Tranzicions ki spårgnèt des grandès esplikêyes.
:''Çou ki m' aléve sortot, dins l' bezogne, c' esteut d' passer l' djournêye avou nosse pa; divni ene miete parey ki lu. Sinti crexhe, dins l' fond d' mi-minme, l' ome ki tchôcrè bénrade, foû di s' coir, l' efant ki dji n' vleu pus esse.
:'''''Po dire li vraiy, ci ome la, dji l' a divnou tot d' on côp.''''' (p. 33)
 
== Documintåcion ==
Tot lijhant l' live, on nd aprind eto bråmint åk.
* so sacwants coines del Walonreye, come [[Flipveye (veye)|Flipveye]]
:''Ene bele grande plaece, k' i gn a la å mitan. Les belès firès måjhones di pire si racoulotnut ene astok di l' ôte, tot ratindant kel solea les vegne restchåfer.''
:''C' est ene veye k' a stî fwaite po-z î mete les sôdårds, et s' disfinde; ene foite plaece, k' i lomnut ça. C' est k' i gn aveut tofer des gueres, paret, di ç' tins la. Mi, çou ki m' a sortot sbaré, c' est les rowes ki s' rashonnnut sol grand-plaece, divant d' s' aler stinde di tos les costés, come po fé ene sitoele. Dji vou wadjî k' i gn a bén ene dijhinne.'' (p. 69).
* so les [[pexhon]]s
:''Les pexhons ki djouwnut dé l' astantche, les ass rimetou ? Li [[graevî]] ki s' pormoenne; li [[spinoke]] ki frote si tiesse dins les broûs, li [[tchabot]] ki s' va catchî padzo l' pire. Et l' [[maclote]], Djhan… ''(p. 90)
* so les [[åbe]]s
 
== Li walon ==
Lucyin Somme continowe a rcweri des mots ene miete foû do naùurwès:
* [[Motî:dalaedje|dalaedje]] (carolo)
* [[Motî:nûlêye|nûlêye]] (lidjwès)