Sindrome adenocoli des djonnes colons
Li sindrome adenocoli des djonnes colons (e-n inglès young bird sickness), c' est ene maladeye k' acsût les djonnes colons, aprume diviè l' ådje d' èn an.
Istwere candjî
Elle a cmincî a s' vey dispu les anêyes 2010 el Beldjike, el France, e l' Almagne et å Marok.
Cåzes candjî
Gn a èn adenovirûsse k' enindje li colebire. I s' edjîstrêye dins les boyeas et l' foete.
Les mwaijhès condicions d' idjinne et l' ecassaedje des oujheas (dins les tchenas d' voyaedje) va aidî li colibacile a s' vini stitchî dins les texhous des malådes, et pår alaidi l' tåvlea clinike.
On djåze eto d' on circovirûsse, di protozowaires (Hexamita) et co ds ôtes bactereyes.
Senes del maladeye candjî
Li mwaisse sintome, c' est li rnådaedje.
Gn a eto del schite, foirt aiwiasse.
Come di djusse, les oujheas ni magnèt pus, et amwinri.
I morèt dins les 3 a 7 djoûs. I polnut eto rweri.
Gn a des cognes pus awiyantes del maladeye, la ki l' djonne pidjon ki s' a dné do må a l' etrinnmint va rintrer al colebire, et crever so ene eure ou deus.
Minêyolodjince candjî
Li prumire anêye, les pidjons d' ådje polèt ossu esse rascråwés.
Mins l' morance pout aler disk' a 30 åcint del colebire. Li morance pa malåde est bén d' 80 åcint. Çoucial, come di djusse, po on prumî passaedje.
Les virûsses pasnut raddimint d' ene colebire a l' ôte, cwand les pidjons d' tape voyaedjnut eshonne avou des rascåwés pidjonîs.