Ene gazete éndjolike e walon, c' est ene waibe e walon ki si rcandje a tinzayeure, come ene gazete e walon.

Ele pout esse ricandjeye djusse sol lodjoe, ubén esse emilêye a des abounés.

C' est ene eplaidaedje k' a stî corant åtoû di l' anêye 2000.

Istwere candjî

Li prumire gazete éndjolike e walon fourit l' Aberteke k' a cmincî e 1997. C' est ene waibe ki si rcandjive totes les samwinnes å cminçmint, pu totes les moes, adonpwis tos les troes moes. Ele vike todi e 2007. Tos les pspîs ki sont-st eplaidîs "sol cimådje" (pådje divantrinne) sont adjinçnés pa tinmes dins l' waibe dirîtrinne. Gn a eto ene edicion francès-cåzante (dispu 2002, ricandjeye eto tos les toes moes), et ene en inglès ey e neyerlandès, mins ki n' sont waire rapontieyes.

Li deujhinme gazete éndjolike fourit Rabulets ki cminça e 2000 a môde d' e-letes. Dispu 2003, ele rote so de waibes, inte did zeles les foroms éndjolikes. Elle a-st eplaidî bråmint des bindes d' imådjes.

Dispu l' arivêye di Fesbok, les scrijheus so les fis s' ont tertos rashonné so ç' media la.