Prindoz vosse baston, Simon (cråmignon)

Prindoz vosse baston, Simon, c' est on vî cråmignon.

Il a stî eredjistré so ene cassete CRIWE (contines et enfantines) dins les anêyes 1990.

Tecse candjî

I.
C' est å Pont ds Åtches, ås novelès måjhons, Simon; (deus côps)
I n a-st èn ome ki ravize on påwion, Simon.
Respleu
Prindoz vosse baston, Simon
Et s' moennez nosse cråmignon (deus côps)
II.
I n a-st èn ome ki ravize on påwion, Simon. (deus côps)
Il a ene boke come on for å floyon, Simon.
å respleu
III.
Il a ene boke come on for å floyon, Simon. (deus côps)
Il a des tchveas come del linne di moton, Simon.
å respleu
IV.
Il a des tchveas come del linne di moton, Simon. (deus côps)
Il a des ouys come des pouris agnons, Simon.
å respleu
V.
Il a des ouys come des pouris agnons, Simon. (deus côps)
'L a-st on minton k' on-z î djouwreut l' violon, Simon.
å respleu
VI.
'L a-st on minton k' on-z î djouwreut l' violon, Simon. (deus côps)
Il a on vinte come on saetch ås latons, Simon.
å respleu
VII.
Il a on vinte come on saetch ås latons, Simon. (deus côps)
Il a des bresses come des cawes di ramon, Simon.
å respleu
VIII.
Il a des bresses come des cawes di ramon, Simon. (deus côps)
Il a des djambes come des pîces å houbion, Simon.
å respleu
IX.
Il a des djambes come des pîces å houbion, Simon. (deus côps)
C' est å Pont ds Åtches, ås novelès måjhons, Simon.
å respleu