L' Ouve des Apoisses (on dit eto : les Ouves des Apoisses ou les Akes des Apôtes), c' est on live sacré des crustins, sicrît pa sint Luk, et ki raconte li cminçmint di l' eglijhe e l' Palestene, pu ådfoû, bråmint a cåze da sint På.

Li cviersaedje da Sint På est bén raconté 3 côps dins l' live

Li tecse a stî scrît e vî grek po des djins ki cnoxhént bén ci lingaedje la.

Ratournaedje e walon candjî

Li tecse a stî ratourné e walon e 2004 pa Djhan-Mareye Lecomte. Li tecse est scrît tot notant l' accint di Brå-dlé-Lierneu. Li tecse fourit rmetou pår e rfondou e 2012.

Li ratourneu, Jean-Marie Lecomte, s' a eto eredjistré, ki lét si scrijhaedje. Les fitchîs odio ont stî metous sol l' Aberteke e 2012; li prumî tchaptrê est eto sol tévé walon-cåzante (Youtube) a môde di videyo.

Contnou candjî

Li live kimince på temonaedje (di deujhinme mwin) so les aparexhaedjes di Djezu après s' ravicaedje.

Adon, on djåze di l' Acinsion pu do prumî Céncweme.

Adonpwis, les pretchmints des Apoisses a Djeruzalem, et les prumîs miråkes (fé lever on stroupyî).

Li ramassaedje (arestaedje) des Apoisses, ki s' polèt schaper tchaeke côp do prijhon, pa l' åjhmince d' ene andje.

Li ramassaedje di sint Stiene, ki va esse djudjî, et po s' disfinde, fé on racourti di tot l' Vî Testamint. Sint Stiene serè touwé a côps d' pires. C' est la ki sint På va intrer «e djeu d' beyes».

Après çoula, c' est purade li veye da sint På k' est racontêye. Si cviersaedje sol voye di Damasse est bén repetêye ene troejhinne di côps. C' est lu ki l' ridit lu-minme tchaeke côp k' il est dvant on tribunå.

Hårdêyes difoûtrinnes candjî