Nîme (Virwinvå)
(Redjiblé di Nîme (viyaedje))
Nîme (fr: Nismes), c' est èn ancyin ptit ban del Walonreye, rebané avou ds ôtes viyaedjes po divni li novele intité di Virwinvå, el province di Nameur.
- Limeros del posse :
- asteure : 5670
- davance : 6380
- Limero diyalectolodjike : Ph 71; mwaisse pont d' l' A.L.W.
- Arondixhmint : Flipveye
- Sipotaedje des djins : les craheas (Crayas)
No di des plaeces di Nîme candjî
- A vey avou des tchamps, des prés et des sårts:
- A Rgnîssårt (a Rgnèssau)
- A vey avou des åbes et des bwès :
- A vey avou les tienes et les vås :
- Li Tiene å påkî.
- Årdjevå (Vå a l' årdjint)
- A vey avou des rotches :
- Li fondrî des Tchéns (Fondri des tchés)
- Li (al) Rotche trawêye.
- Fraiturnea (Frètèrnia)
- Ôtès sacwès et målåjhminces :
- Mitchfarene
- al Tchefe
Djeyografeye candjî
C' est a Nîme kel Blanke aiwe eyet l' Noere Aiwe si rdjondnut, et fé l' Virwin.
Istwere candjî
Nîme, c' est on viyaedje vî come les tchmins. On-z î a rtrové des rmanances des Sarazins, ki foirdjént l' fier dins des bas-forneas (did la li spotaedje des djins d' Nîme). Gn a eto on on viyaedje walo-romin, eyet des tombales merovindjinnes.
El Moyinådje, li viyaedje va shuve l' istwere di Couvén. E 1977, Nîme a yeu l' måjhon-comene del novele comene di Virwinvå
Economeye et tourisse candjî
Nîme a divnou on respiroe d' boune air po tos les djins do Payis d' Tchålerwè. Li Fondreye des Tchéns assatche bråmint des tourisses.