Drovi l' mwaisse menu

houzår u houzård [1] [o.n.]

1. ancyin sôdård a tchvå, rilomé foirt waeraxhe. Ti, copere Djuråd, par azår, Est çki t' n' as nén peu des houzårs ? (J.C. Benoît). [2] N a yeu on redjimint d' houzårs di kihatchî (Motî da Forir). Cwand il ont yeu tot veyou des ptitès såles di dzo, avou les mousmints des gurnadîs, des houzårs, des lancîs, des dragons et dji n' ti sai d' tot cwè, il ont monté les montêyes po vey li panorama (L. Mahin). [3] Loukîz a : oursea. F. hussard. >> noer houzår: sôre di houzårs des Aloyîs disconte di Napoleyon. Mi dierinne afwaire fout l' prijhe ki ns avîs avou les noers houzårs; des bons sôdårs, savoz, ki n' bodjèt nén pus k' des rinnåds (D. Salme). [4] Loukîz a : houzårdé (pwin). >> boere come on houzår: boere bråmint (del gote) et raddimint. On dit eto : come on trô. Et Djam paya l' gote ås catoize fesses et a leu viye macrale di mere; li viye låma s' vere come on houzår (M. Hicter). >> end a plin l' pupe d' on houzår: dijhêye tot mostrant si mwin drovowe, volant dire k' on vs li pôreut fote e vizaedje come on fotreut voltî ene berlafe a on houzår. >> si poirter parey k' on houzår: esse bén poirtant. F. "être en superforme". >> prinde ene comere a môde di houzår: fé l' amour avou leye d' astampé, et waire dismoussî. F. "à la hussarde". >> camizole° di houzår. >> taxhete° di houzår.

2. (pa stindaedje) feme k' est come èn ome, ki n' a peu did rén, et ki n' est nén boune. Cisse feme la, c' est on fir houzår; ele mi fwait sogne (Motî da Forir). Twenete, c' esteut on vî houzår. Loukîz a : cozake, dragon, djindåre. F. "mégère, virago, harpie".

3. (vî mot d' cinsî) croupete avou shijh djåbes al tere et ene tchape. Les vårlets fwaiynut des houzårs a campagne (Motî da Gilliard). Loukîz a : sôdår, dijhea. F. "dizeau". >> covrou houzår: dijhea avou set djåbes al tere, et troes djåbes come tchapes.

4. sôre di moye di djåbes. F. "meule".

| houzårdé [o.n.] pwin avou ene miete di raboulets, mins moens ki l' botyî pwin. F. "pain mi-gris".

EtimolodjeyeCandjî

Hongrwès "Huszár" (vintinme, pask' on sôdår so 20, el Hongreye do 16inme sieke, esteut evoyî al cavalreye. [5], pal voye di l' almand, 1700.

DisfondowesCandjî

hoûzaur, hoûzâr, houzâr, ouzâr.

Sicrijhas ezès motîsCandjî

houzår 
hoûzâr [E203], hoûzård [E1, E167, E170], hoûzârd [E34, E212b], houzård [E167], ouzârd [C1, C9, C100, C106], xhouzar [E212], nén dins E213, S0, O4. [6]

Hårdêye divintrinneCandjî

Sourdants & pî-notesCandjî

  1. Ci n' est nén ene cawete -ård, mins l' uzance e sistinme Feller, c' est di rcopyî li coron do mot francès. Bate di dvize so li rfondaedje
  2. Tecse en etir cial.
  3. dins Vera.
  4. dins Li Houlot, p. 157, Tecse en etir cial.
  5. FEW 16, 274b.
  6. Loukîz al Djivêye des motîs.