Drovi l' mwaisse menu

Les manoyes del Principåté d' Lidje, c' est les pîces k' alént dispu 980 disk' e 1795 el Principåté d' Lidje.

Les manoyes do vî payis d' Lidje ont stî batowes nouv cints ans å lon, di co pus d' céncwante princes-evekes

Elle ont stî foirdjeyes divins toplin des plaeces, come a Lidje, a Curindje tot près d' Hasse et pus tård a Hasse, a Dinant, a Fosse, a Hu, a Måzek, a Måstrek, a Sint-Trond, a Tongue, a Twin et a Vizé

Les pîces avént totes sôres di cognes, avou ls åres di Lidje, del Hesbaye, di Durasse, di Moha, del Campene, di Horn, do Condroz, di Bouyon [1], et do Payis d' Inte-Sambe-et-Mouze.


Discandje avou les manoyes d' ådfoûCandjî

Bråmint des ôrdonances des princes-evekes et des Cris d' Peron markèt a cbén k' on-z esteut oblidjî di rçure diferinnès pîces d' ôr et d' årdjint

Li manoye di Lidje do tins des troes ou cwate dierins princes-evekesCandjî

Asteme : li no d' kékès pîces a candjî d' valeur avou les anêyes.

Påtar ou aidantCandjî

Les viyès djins savèt co bén çou k' c' esteut èn aidant et on patår vola passé cint-z ans. Årésse, pol ci k' l' åreut rovyî, i gn a ene tchanson di totès boignès rapoitroûles k' endè wåde li sovnance :

Cwate aidants c' est on patår ;
L' årdjint est fwait po rôler ;
L' ci k' va-t a tchvå so ene ecnêye
S' fwait pus nåjhi k' a roter.

SourdantCandjî

Pî-notesCandjî

  1. wice k' on frawtinéve voltî, paski ç' n' esteut nén tere d' Impire.