Såvadje feu

On såvadje feu, c' est on målfeu k' a polou prinde tot seu dins des bwès u des stindowes di setche yebe.

Såvadje feu dins ene rezieve d' arganîs (come on n' î pout nén mete les biesses po leyî rcrexhe les djonnes åbes, gn a toplin d' setchès yebes).

Cåzes

On ndè voet pus sovint la k' gn a des bouxhons inte les åbes. C' est l' cas cwand gn a des plouves assez tins l' l' ivier. Et k' i gn a pont d' waidiaedje di tropeas dins les bwès.

Come di djusse, ça pout esse ossu des målfeus metous, pa des pormoenneus u des piromanes.

I shonne ki reschandixhaedje del Daegne va rinde todi pus corant les såvadjes feus.