Li ptit prince (roman)
Le Petit Prince
Li ptit prince (ki l' tite oridjinå e francès, c' est Le Petit Prince), c' est on roman po les efants da Antoine de Saint-Exupéry, ki c' end est si ouve li pus cnoxhowe. Po dire li veur, c' est eto on roman filozofike; adon, c' est po les grandès djins, avou.
Il a stî eplaidî pol prumî côp e 1943.
Eplaidaedjes et replaidaedjesCandjî
Loukîz a : Li Ptit Prince
Li live fourit eplaidî pol prumî côp a Noû York. Gn a bråmint des dessinaedjes divins, fwaits pa l' oteur lu-minme.
Il a stî ratourné dins ene peclêye di lingaedjes, inte di zels li walon eyet l' picård.
Ratournaedjes e walonCandjî
E walon, il a stî translaté aprume, cåzu e minme tins et sins l' saveur, pa Lorint Hendschel eyet Jean-Pol Grandmont (e l' an 2000). Mins, come il esteut co dzo abondroets, ces ratournaedjes la n' ont nén polou parexhe so papî.
Li prumire traduccion eplaideye e walon, c' est l' cene da Jean-Luc Fauconnier (2009). Li minme eplaideu (Titenfass) a co edité èn ôte translataedje da Bernard Louis ey on troejhinme pa Guy Fontaine (2012).
Redjårbaedje pol teyåte e walon ey e picårdCandjî
Pa Roland Thibeau, djouwé al fiesse ås lingaedjes walons 2016.
li ptit prince eyet l' tchanteu
avou l' djeyografe
avou l' esprindeu d' lampes
Boket do liveCandjî
Après l' adrovaedje, li live kimince insi:
- Cwand dj’ aveu shijh ans, on côp, dj’ a veyou ene foû bele imådje, dins on live so les såvadjes bwès. Li live si loméve «Des istweres ki s’ ont passé po do bon». L’ imådje mostréve on sierpint bowa ki mougnive ene såvadje biesse.
- Divins l’ live, on djheut : «Les sierpints bowas avalèt leu proye tote etire, sins l’ mawyî. Adon, i n’ savèt pus bodjî eyet i doirmèt shijh moes å lon, li tins do dijerer.»
- Do côp, dj’ a tuzé eyet ratuzer ås avinteures del djungue et mi eto, dj’ a parvinou a fé m’ prumire imådje avou on croyon d’ coleur. Mi imådje limero 1. Ele ravizéve çoucial :
- Dj’ a mostré m’ tchîf d’ ouve åzès grandès djins et lzi dmander si mi imådje les fjheut aveur paw. Ele m’ ont respondou : «Douvént åréns dj’ peu d’ on tchapea ?»
- Mins mi imådje ni rprezintéve nén on tchapea. Ele riprezintéve on sierpint bowa ki didjeréve èn elefant. Adon, dj’ a dessiné l’ ådvins do sierpint bowa po les grandès djins saveur comprinde. I lzî fåt tofer espliker les pondants et les djondants, les grandès djins. Mi imådje limero 2 esteut insi :[1]
Difoûtrinnès hårdêyesCandjî
- Ratournaedje da Lorint Hendschel
- Ratournaedje d' on boket e-n on walon coinrece (pa Lucien Mahin) (so l' Aberteke)
- Prezintaedje del traduccion e walon lidjwès (ås Edicions Tintenfaß)
SourdantCandjî
- ↑ Ratournaedje da Lorint Hendschel, ene miete rapontyî tot rmetant les candjmints do rfondou acertinés inte 2000 et 2020 (Scoles di Bive, 2 d' måss 2022).