Hinne (aiwe)

Disambig.svg Pol discramiaedje des årtikes avou l' mot « «hinne» et «Hinne» », loukîz cial.

Li Hinne, u Hinne[1] (e walon coinrece, In.ne[2] (coinreçmint In.ne u Ène; e francès Haine el Beldjike eyet Hayne el France, e neyerlandès Hene), c' est ene corante aiwe di Beldjike (Walonreye) et d' France, ki s' maxhe e l' Escô a Condé-so-Escô.

(a Havré, di l' ivier)

Dischindants etimolodjikesModifier

Hinne a dné leu nos å Hinnot (conteye et province) ey ås viyaedjes walons del Botinne (El Bos d' Hinne), Hinne-Sint-Pire (Sint-Piére), Hinne-Sint-På (Sint-Pôl) eyet Veye-so-Hinne (Vile-sur-Ène). Et ås hameas do mimme no a Bådoû ey a Boussu-dlé-Mont.

CoraedjeModifier

D' Anderluwe al MarlanwéModifier

Ele prind sourd a Anderluwe. Pu cori so Carniere et trevåtchî Marlanwé.

Sol comene del LovireModifier

Ele arive a Hinne-Sint-Pire (leyant Hinne-Sint-På sol costé), pu trevåtchî Sint-Vå et Triviere.

Djusse après Triviere ele va vey agoliner ene aiwe ki vént d' Perone, pu l' ri des Estenes. Pu passer a Sterpi, pu a Mårache, pu dlé Bouswa.

Sol Rû ey a MontModifier

Ele avént adon a Veye-so-Hinne. la k' ele riçût Wanze so s' droete erive.

Après, ele court eviè Havré pu so Ouboû, pu so Nimi divant d' moussî a Mont, la k' ele va esse tchenålijheye, et s' lomer pacô «tchenå do Cinte».

Ele cwite Mont po Djmape, la k' ele riçût l' Trouye so si hintche costé. Pu cori tot droet tot do long d' Otovoye di Walonreye (E42).

Droete lene el BeldjikeModifier

Après Mont, so ene droete lene ki londje l' otovoye Brussele-Paris (E19),ele court on moumint so Cargnon, pu passer so Sint-Guilin pu a Hinne (Boussu) sol comene di Boussu k' ele leye a Nonne; pu so Biernissåt, pu so Inzî (Moutroû, Pumrwè, Énin et Tulin) la k' gn a ene escluze (a Debihan), divant d' passer so France.

Coraedje el FranceModifier

El France: Sint-Ébert (Saint-Aybert), Tivinchelle (Thivencelle), pu Condé.

Dins les belès-letes e walonModifier

Dins l' sitroete plake «C' est nén l' Mississipi», li binde «Wôr des rays» endè djåze dins ene tchanson ki va dner l' tite al plake:

Li Hinne, li Wanze, c' est nén l' Mississipi.

Hårdêyes difoûtrinnesModifier

SourdantsModifier

I gn a so les cmons Wikipedia des imådjes ou fitchîs son a vey avou Hinne .
  1. siervaedje sins årtike, a môde di "Mouze"
  2. Li rfondaedje a wårdé l' ancyin H prumrece po sacwants råjhons