Hervé Jehaes

Hervé Jehae, c' est on scrijheu e walon k' a-st ataké diviè 2013.

e 2013

I scrît e rfondant namurwès.

I provént d' Torèbay-Sint-trond

Ouve e walon

Ses tecses parexhnut dins Les Cayés Walons. Il a eto eplaidî deus ptits powinmes dins l' Rantoele-gazete (lº 72).

Il a wangnî li Pris del Lovire e 2020 avou ene novele : «Li grand voyaedje».

Egzimpe di scrijhaedje

L'inwîye

Su l' pèrèt do Samson, on pècheû qu'èsteûve jusse bon po touwer on pèchon dins on tonia, brèyeûve d'oyu pièrdu s' timps po rin.

- « Vos m' richonez », di-st-èle l'inwîye qui passeûve pâr-là.

- « Vos r' choner ? Comint ça don, vos ? » rèspond l' pècheû.

- « Oyau, vos-èstoz eûreûs come on pèchon dins on bouchon di spènes.

- Èt poqwè èstoz disbautchîye, don, vos ?

- Dji vôreûve si télemint bin voyadjî. Dj'a vèyu qu'i-gn-aveûve on " Club Mèd " do costé dèl Mér dès Sargasses. À ç' qu'i parèt, on-z-i faît brâmint dès rèscontes vêla.

- Bin, i-gn-a brâmint dès pèchons vêci èto », di-st-i l' pècheû.

- «  Oyau, mins vêci, nos-èstans à Ton ! One inwîye à Ton ! Dji n' so nin d' famile avou zèls, mi!

- Vos v'loz voyadjî ? C'è-st-aujîye ça, savoz. Choutoz m' ! : one miète pus lon è Moûse, purdoz su vosse drwèt costé, adonpwis, c'èst todi pad'vant vos jusqu'à l' grande basse. »

Èt vola noste inwîye èvôye, d'abôrd.

Brâmint pus taurd, do costé d' Dinkèrque, nos r' trovans noste inwîye pindûwe à l'anzin d'on pècheû. Qwè ç' qu'i va fé avou ? « One inwîye au vèt' ».

Vola l' fin mot d' l'istwêre :

Ni comachoz nin : « one inwîye qui voyadje po s' mète au vèt' » èt « one inwîye au vèt' »