Hubert Haas
Hubert Haas, c' est on scrijheu e walon k' a skepyî li 23 d' awousse 1919 a Tcheslet. Il î a morou e 1976.
Il est rprins dins l' antolodjeye Fleurs diyalectåles et dins l' Antolodjeye Scrire.
Di s' mestî, il esteut electricyin et watman a "Solvay".
Ouve e walon candjî
Il a scrît des arimés, d' on livea del vraiye powezeye. Il est dins l' mouvmint del powezeye imådjrece des djins come Georges Smal et Jean Guillaume.
I wangna s' prumî pris di scrijhaedjes e walon e 1968, al bate metowe so pîs po les 20 ans do Bourdon. Après, i moussa a l' ALWAC. Il a bråmint aprins avou Emile Lempereur.
E 1982, il eplaide ene ramexhnêye d' arimés, «Pal craeye d' ene pitite voye».
Corwaitaedje di ses powinmes candjî
Motlî candjî
Foirt ritche : vocial sacwants mots k' on-z î pout rilever
Rite et zunance candjî
I plaece voltî l' addjectif divant l' no :
- Vo schårdêye imådje ki prind veye
- Après l' eure do prumî ddjuner [1]
- Mins k' avoz, feme, dissu vo tiesse ?
- (...)
- Ni sereut ç' nén vo tcheyåde djonnesse
- Ki s' ertaenreut påzès mwais tins ? [2]
Il eploye voltî li shûte addjectif femrin pluriyel metou padvant (avou l' cawete -ès)
- Påjhirès crosses, catcheyès stoeles,
- Rachidès eures d' ene taeye di pwin, [3]
Hårdêyes difoûtrinnes candjî
- Pådje di ses scrijhaedjes (so l' Aberteke)
- Ses bokets eplaidîs dins l' antolodjeye "Fleurs dialectales" (mwaisse modêye)
Sourdants candjî
- ↑ "Pwin d' agaesse", divins "El Bourdon".
- ↑ Poussire di transe, divins Antolodjeye Fleurs dialectales, pu rprins dins l' antolodjeye Scrire.
- ↑ "Pwin d' agaesse", come ciddé ådzeu.