Djer (aiwe)

L' aiwe di Djer (fr: le Geer, nl: Jeker) est ene aiwe del Walonreye eyet d' Flande, ki prind sourd etur Li Bôlin eyet Sint-Servå-Lin (ambedeus rebanés avou Hanut et 1977), passe e viyaedje di Djer, poy ki court so Wareme, Tongue (e Flande), et s' va egoliner e Mouze riwaitant Måstrek. L' aiwe di Djer est trevåtcheye do Tchenå Albert å livea del Montinne Sint-Pire.

Djer a Måstrek.

Etimolodjeye

Li no d' l' aiwe vént do gayel Yakara, claire aiwe, çou ki dna e latén Jecora (li neyerlandès Jeker wåde co li son "k" do vî no)

Istwere

C' est dins l' vå d' Djer (a pô près wice k' i gn a asteure Bassindje) k' Ambiyorisse, li Mwaisse des Eburons a fotou ene dobleure a deus ledjons (6000 sôdårds) da Cezår, moennêyes pazès tribuns Sabius et Cotta. Cisse dispoûslêye la fourit l' pus consecante ki les romins ont yeu tins del Guere des Gåles.