Po des linwincieusès racsegnes sol mot "årzeye", alez s' vey sol Wiccionaire

L' årzeye (ou foite tere ou diele), c' est d' l' edjåjhe ki s' a rdismantchî a cåze do rixhelmint.

årzeye crevådêye al setchresse

Sôres d' årzeye candjî

 
Cawolin d' Transene
  • djaene årzeye ou djaene tere :
  • diele ou grijhe årzeye ou blanke årzeye ou cråsse årzeye
    • brikes refractaires
    • po fé des pots (did la, li lomaedje "tere ås pots")
    • po rfé les pots di stouve petés.
    • Les marixhås, cwand i fjhént leu usteyes å feu, divant d' fé leu trimpe, po n' nén ki l' fier broûle, i tapént ene pougneye di foite tere dins l' feu.
    • po maxhî al poûssire di tcherbon ou d' troufe et fé des hotchet
    • po-z ansiner les surès teres.
  • cawolin
    • po fé des pavés (come les cis k' on meteut ås tchminêyes), et des ôtes sacwès e ceramike.

Sinsieuzmint, gn a ene cwatrinne grandès familes dins l' årzeye, mins çou k' on trouve dins l' nateure est sovint on maxhaedje di categoreyes.

Dis la, des nos a pårt sorlon les plaeces, come li "tere di Rondå" a Graide.

Louwålijhaedje candjî

E l' Årdene, on trouve puvite di l' årzeye dins les fonceas.

Espwetaedje candjî

Pol saetchî, on fwait ene fosse al diele, come end a Andwè ou a Nanene.

Dins les Belès Letes e walon candjî

 

«Årzeye» (Aurzîye), c' est l' tite d' ene ramexhnêye d' arimés da Jean Guillaume.

L' ovraedje dins ene fosse al diele est l' tcherpinte do roman e walon da Hinri Matterne «Al fosse al diele».

Dins les nos d' plaeces e walon candjî

 
No d' plaece a Råcoû

Li mot "diele" si rtrouve dins sacwants nos d' plaece, come li pî-sinte del diele a Råcoû.

 
Commons
I gn a so les cmons Wikipedia des imådjes ou fitchîs son a vey avou l' årzeye .