Li dataedje d' on mot u datåcion d' on mot, c' est di decider cwand çk' el mot aparexhe pol prumî côp dins on metou lingaedje.

Plake "Wézelvå" a Viyance ki mostere les deus mots walons "" et ""; li dataedje si pout fé dins les vîs papîs
Eployaedje do mot "froyon" dins des vîs tecses e francès
Onk des prumîs aparexhaedje mot "neyerlandès" dins on tecse e walon, diviè 1985 (ordinairmint, on djheut "flamind")

Ci n' est nén si åjhey ki ça, aprume dins les lingaedjes ki n' si scrijhèt waire, ubén po les mots ki sont vîs vîs.

Li vraiy dataedje, c' est l' anêye k' on trouve ci mot la scrît dins l' lingaedje.

E walon, po les vîs mots, c' est li prumî aparexhaedje dins l' scrîta la k' on voet bén ki l' cogne do mots rissaetche dipus do walon ki des ôtes lingaedjes d' oyi.

Po les noûmots, c' est l' trovaedje do mot foû d' on boket di belès letes u d' prôze nén racontrece dins ene gazete, on live, ene rivuwe, on motî, u on studia sol lingaedje.

Egzimpe di dataedje di sacwants mots e walon candjî

Dins li scrîta candjî

C' est bråmint Louis Remacle ki s' a ocupé di cist ovraedje la. Toplin d' ses trovas sont rprins dins l' live : "La différenciation dialectale en Belgique romane avant 1600" sovint rahoukî e walon dizo l' alomåcion "live da Remacle sol datåcion des mots walons di dvant 1600".

Po les mots a vey avou l' djeyografeye, c' est leu prumî aparexhaedje dins les nos d' plaeces ki va aidî leu datåcion.

Po les mots d' tos les djoû, c' est leu trovaedje dins des invintåre di notåre, dins des akes di djustice.

Noûmots del fén do 19inme sieke candjî

On loucrè voltî li studia da Maurice Piron : Formation de la langue littéraire des écrivains liégeois.

Noûmots do 20inme sieke candjî

Po les calcaedjes do francès (et eto sacwants di l' inglès), on rwaitrè l' adire inte des motîs ki n' riprindèt ki les mots pår walons et des ôtes avou toplin des djivions calkés (metans li Motî da Scius, li Motî d' Nivele eyet li Motî d' Bastogne. Gn a eto toplin des noûmots d' calcaedje dins sacwants motîs francès-walon come li franwal da Haust, avou l' mincion "néol." (noûmot).

Noûmots del fén do 20inme sieke et l' 21inme sieke candjî

Li splitchant motî do walon dene sovint les dates di prumî eployaedje des noûmots foirdjîs del fén do 20inme sieke et l' 21inme sieke.

Hårdêye difoûtrinne candjî

Sol Wiccionaire