Codjowaedje prusti
(Redjiblé di Codjowaedje fini)
Li codjowaedje di "prusti" (on prind eto come modele "fini"), c' est l' essegne po codjower les viebes erîlés del cwatrinme troke da Hendschel.
A l' infinitif, il eploye li cawete di codjowaedje -i.
Bodjes candjî
Li codjowaedje si fwait so deus bodjes :
- Li bodje A, c' est prustixh-
- Li bodje B, c' est prusti u prustixh (come après Lidje ey ene pårteye di l' Årdene).
Adon, a l' indicatif prezintrece singulî, a l' indicatif futurrece ey å condicioneu, on a des dobès rifondowes.
Codjowaedjes candjî
Les cawetes di codjowaedje ni sont nén les minmes ki po les viebes del prumire et del deujhinme troke da Hendschel :
- ås atôtchîs di l' indicatif prezintrece, futurrece et å condicioneu : -oz, estô di -ez (prumire troke) et -îz (deujhinme et troejhinme troke). Cisse cawete la del cwatrime troke si trouve el cénkinme.
- å Durant Indicatif Erirece singulî: eu, -eus, -eut, estô di -éve(s) (prumire troke) et -ive(s) (deujhinme et troejhinme troke). Ces cawetes la del cwatrime troke si trovèt el cénkinme.