Po des linwincieusès racsegnes sol sititchete "-asse", alez s' vey sol Wiccionaire

Li cawete -asse, c’ est ene cawete acawêye a èn addjectif u on sustantif et ki dene èn addjectif avou ene laide idêye (ene miete veyou do mwais costé) :

macasse / bonasse / aiwasse / mårlasse / femlasse / moflasse / molasse

Sacwants sustantifs ont l' minme cawete, mins dandjreus vnèt i do francès :

paprasse, pilasse.

Cawete vijhenes candjî

Des côps avou on ristitchî Y, on-z a l’ dobe cawete -iasse :

makiasse, aiwiasse, poufiasse.

Po sacwants mots foirt kinoxhou do costé d’ Lidje avou ene cawete -èsse, on l’ a rfondou avou l’ betchfessî ae, et askepyî ene cawete omonime -aesse :

stocaesse / fenaesse / plenaesses / cagnaesse

Li cawete -asse est diferinne del cawete -åsse (po ene bladje coleur) (cawete francesse -âtre)

blancåsse / djaenåsse / rodjåsse / verdåsse ; blankinasse <> blankinåsse (?)

Etimolodjeye candjî

I provént del cawete latene "-acea".

Parintêye candjî

-asson candjî

Li cawete -asse avou l' cawete -on dene li dobe cawete -asson : payasson ; djouwasson

MINS «cabasson» vént do bodje espagnol « cabeza » avou l' simpe cawete -on

Li minme tcherpetaedje egzistêye eto e francès : paillasson

-asser candjî

  • asse + -er / -î (cawete di viebe) => -asser / assî : finasser, ramasser (?), tracasser

Minme fôrmåcion possibe eto e francès : rêvasser

-assî candjî

  • asse + î (cawete di sustantif) => -assî : putassî (S109) ; fenassîs (S109)

-asreye candjî

  • asse + reye => -asreye : putasreye (S109)

Dins des ôtes langues candjî

Li minme cawete egzistêye e francès.

C' est des côps les minmes mots :

pouffiasse, bonasse, paperasse, pilasse

Mins sovint ci n' est nén des mots k' on passé e walon :

godasse, dégueulasse, cuirasse, liasse, connasse.

Hårdêye difoûtrinne candjî

Sacwants addjectifs avou l' cawete -asse (dedja studyîs sol Wiccionaire)