Blanc Bleu Walon

Li Blanc Bleu Walon u BBW (bébéwé), oficirmint Bleu Blanc Bedje ou BBB (bébébé), c' est ene raece di bovrins k' a stî relîte djeneticmint el Walonreye e 20inme sieke, po ndè fé li leccion des grossès biesses al tchå.

åmayes BBW å tchamp

des agaesses so ene vatche BBW

Mins les biesses di peure raece ni polnut pus veler tote seules, ca c' est tos veas cou-d'-polén. Fåt a tot côp botnirer (fé ene cezaryinne).

Cotes

Li cote cafloreye bleu, tipike del raece, ni pout nén esse relîte djeneticmint, ca c' est on djinne dôminé. Les djinnes peurs sont l' peur blanc (BB) et l' caflori noer (NN). Li bleu pwel vént di l' eterozigote «BN».

• 
  noer vea (Fôre di Libråmont)
• 
  Bleuwe vatche

Ôtès piceures del raece

Rindmint d' botchreye : 65 a 70 åcint (les raeces ordinaires fijhèt tot bounmint 50 åcint).

Crexhance : les gayets, crexhous come tetåds, avnèt åjheymint ås 600 kilos a èn an.

• 
  Grosse vatche
• 
  Gros gayet el waide
• 
  gayet el cinse

Epoirtaedje foû payis

Li raece a stî adoptêye el Flande dispu l' mitan do vintinme sieke.

Après côp, a pårti des anêyes 1970, elle a stî espôrtêye tocosté. La k' gn aveut pont d' årtisses ou d' tecnicyins capåbes di fé les cezaryinnes, les acleveus aprindént a lzès fé zels-minmes.

Mins, po l' espôrt, on tchoezixh purade des gayets nén trop tournés. Insi, les veas croejhîs a 50 åcint passèt co åjheymint, si l' vatche a do passaedje po fé.

• 
  Stantche Blanc Bleu Walon al fôre di Bårçulone
• 
  Plake do stantche Blanc Bleu Walon al fôre di Mecnesse (Marok)
• 
  Vea croejhî å Marok

Dins l' lingaedje walon

Li bleuwe cote del raece diveut esse ene rålisté, pask' elle a dné ene ratourneure e walon :

Dji nel dinreu «nén co po ene bleuwe vatche», mostrant li precieusté d' on bén.