Adolphe II de La Marck / Adolf II von der Mark
Adofe II del Måtche
Adolphe II de La Marck[1] u Adolf II von der Mark[2] (riwalnijhåve Adofe II del Måtche), ci fourit on prince-eveke di Lidje do 4 d' avri 1313 disca s' moirt li 3 d' nôvimbe 1344 (a Clermont-dzo-Hu).
Il aveut skepyî e moes d' awousse 1288.
Vicåreye
candjîCome fi d' on prince del principåté almande del Måtche (Grafschaft Mark), i skepia e crexha e l' Almagne d' asteure. Il intra ås curés, ey ava des posses di privot a Wômse (Worms) ey a Cologne.
E 1310, il ala studyî a Orleyan. Pu divni eveke di Lidje e 1313.
Li 18 di djun 1316, il sene li Påye di Fexhe, la ki l' eveke doet aconter les rprezintants des veyes cwand i vout candjî ene sacwè, ki doet esse pol «bén do payis».
Mins l' ome est foirt otoritaire. Si s' va-t i margayî avou les milices des bounès veyes ki lyi rprotchèt di n' nén codåner les flotches di ses rprezintants. Tantea k' i s' doet såver a Hu, la k' i va dmoré refudjî po fé l' guere ås milices di 1325 a 1331. C' est lu ki wangne cisse lûte la, ca il est aspoyî pa ses copleus des payis tîxhons, li conte del Måtche, di duk di Djulé et l' ci d' Guele. Çou ki lyi permete di rivni a Lidje.
Å cmince des anêyes 1340, il fwait l' guere a Djan III do Braibant, ki vneut d' sotni ene revintreye des Hutwès. Po sayî di rawè l' aspoya des bounès veyes, et ridivni camaeråde avou les Hutwès ki l' avént edjîstré shijh ans å long, il acoirdêye li «lete des XXII», ki mete so pî li tribunå des XXII. C' esteut e moes d' djun 1343.[3]
Sourdants et pî-notes
candjî- ↑ Li «II» vout dire ki c' est l' deujhinme Adofe a esse prince-eveke di Lidje, après Adofe 1î d' Waldek.
- ↑ si mwaisse no, divant d' esse eveke di Lidje (sins l' «II»).
- ↑ (fr) Fred Stevens & Axel Tixhon, L'Histoire de la Belgique pour les nuls, Paris, 2010, ISBN 978-2-7540-1482-3, p. 76.