On ton, c' est li hôteu del vwè eployeye dins on lingaedje po fé l' diferince inte des mots.

On-z eploye li hôteu del vwè dins tos les lingaedjes, metans po-z aspouyî so ene sacwè, fé ene diferince inte des sacwès, mostrer çou k' on rsint, dimander ene kesse, evnd. Mins on n' lome ci hôteu la on "ton" ki cwand c' est po fé l' diferince inte deus mots ki fjhèt ene pwaire minimom (ki sont les minmes, a pårt li ton, et k' ont deus sins diferins). Les tons sont-st eto lomés "toninmes" (minme famile ki foninme, morfinme, evnd).

Bråmint des lingaedjes sol daegn ont des tons, a pus k' dins l' famile des lingaedjes indo-uropeyins.

E chinwès, cåzu totes les sillabes ont on ton et beacôp des mots n' sont diferins ki gråce å ton. Léjhoz l' årtike sol chinwès po vey des egzimpes.

E somali, gn a nén des tons so totes les sillabes mins seulmint so ene sillabe di tchaeke mot.