Timbe del posse
On timbe del posse, c' est ene pitite etikete k' on plake so ene lete u on colis, et ki respond ås costindjes payeyes al Posse po tcheryî ci evoyaedje la disk' amon l' riçuveu (li ci ki dveut awè l' lete u l' colis).
Istwere candjî
Sitouwåcion divant les timbes candjî
Pol paymint des letes, dinltins, c' esteut l' riçuveu ki payive. Li måleur, c’ est ki l’ ci ki n’ aveut nén l’ moyén ni payive nén. Adon, li lete esteut pierdowe.
Portant, i paret ki, dedja e 1819, les Sardes si siervént d’ on sistinme di paymint « presse a esse posté ». Adon, ene sacwè foirt rishonnante a on timbe del posse.
Prumîs timbes candjî
Li prumî timbe del posse, e l’ Urope, a stî metou e l’ circulåcion li 6 di may 1840 e l’ Inglutere.
C’ esteut li « Penny Black ». Come si no el dit, il esteut e noere coleur, et valeut on peni.
L’ edvincion endè rvént a Sir Rowland Hill ki serè anobli pa l’ Rinne on pô après.
Insi, l’ uzaedje do timbe a fwait ki l’ riçuveu a-st accepté sins rujhe totes les letes a l’ arivêye do messaedjî.
E l’ Beldjike, c’ est l’ an 1849 ki l’ prumî timbe postå est lancî. On timbe di brune coleur di 10 cintimes ey on bleu timbe di 20 cintimes. Ambedeus avént stî imprimés avou l’ tiesse da Yopôl Prumî ki poirtéve on costume ås spaletes. C’ est come ça ki l’ prumî timbe bedje est sorlomé « el sipalete »[1]
Les timbes del posse et l' walon lingaedje candjî
E 1981, on a metou l' tiesse di Édouard Remouchamps so on timpe po fiesti l' SLLW.[2]
E 2023, les Molons ont fwait leus prôpes timbes.
Sourdant candjî
- ↑ Ernest Benoit, Li Rantoele l° 107, waeyén-tins 2023, p. 7.
- ↑ https://www.stampsoftheworld.co.uk/wiki/Belgium_1981_Walloon_Language_and_Literature