Tiesse di moenne
Clitocybe geotropa (Foto: Jean-Pol Grandmont).
Clitocybe geotropa (Foto: Jean-Pol Grandmont).
Rindjmint sincieus
Ringne: Fungi (tchampions)
Ecoxhmint: Basidiomycota
Classe: Homobasidiomycetes
Dizo-classe: Agaricromycetideae
Ôre: Tricholomatales
Famile: Clitocybeae
Djinre: Clitocyba
Espece: geotropa

Li tiesse-di-moenne, c' est on tchampion-åbusson ki, estant djonne, a on grand gros rond pî avou on ptit pontou tchapea, .

Ça fwait k' i n' fåt nén cweri foirt lon po sepi dou çk' on a stî trover s' no.

Discrijhaedje candjî

Tchampion avou on tchapea a foxhlete (5 a 25 cm) et ene pitite ponte å mitan, di coleur bedje, avou des blankès lames serêyes ki dschindèt so s' grand et rond pî. Il a ene blanke tchå ki dmeure bén deure et dvént minme filandreuse tot divnant pus vî.

I vént al tere e grands cekes (ronds d' sôrcire) dins les pateures et les bwès a foyes nén trop spès, d' å mitan di l' årire-såjhon disk' ås prumirès djalêyes.

Eployaedje candjî

C' est on bon tchampion cwand il est codou et mougnî tot djonne et sins s' pî.

Bibliografeye candjî

Tites des lives e francès k' i gn a avou pus di racsegnes so ç' tchampion la:

  • Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
  • Marcel Bon: Champignons de France et d'Europe occidentale (Flammarion, 2004)
  • Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
  • Roger Phillips: Les champignons (Solar, 1981) - ISBN 2-263-00640-0
  • Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
  • G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
  • Henri Romagnesi: Petit atlas des champignons (Bordas, 1970) - ISBN 2-04007940-8