Sitindêye

El sitindêye, c' est l' espåce d' ene fôme a deus diminsions.

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

Djeyografeye

Li stindêye est uzêye e djeyografeye po dvizer do km² ki fwait èn edroet, metans ene veye ubén on payis. Afeye, on-z uze voltî d' ôtes unités : les åres. Èn åre, c' est 100 cintiåres, adon 100m², ey èn ectåre, c' est 10.000m². Les åres sont foiravant uzés dins l' dominne des béns-fonds.

Matematike

Li stindêye pout esse carculé avou èn eshonna d' fôrmules. Li « x », c' est li stindêye.

Triyingues

Les « triyingues », c' est des fômes djeyometrikes avou troes inglêyes :

• Djenerå : x = (s*h)/2 (on mopleye li soûmint, « s », avou l' hôteur, « h ». Adon-après, on dvize l' erzultat e deus).

Li carcul djenerå våt po tos les triyingues, mins il egziste des carculs pus sincieus po les triyingues rectingues eyet les triyingues izoceles.

Cwatingues

Les « cwatingues », c' est des fômes djeyometrikes avou cwate inglêyes :

• Cwåré : x = c*c = c² (on mopleye les costés, « c »).
• Lozindje : x = (D*d)/2 (on mopleye li grande diyagonåle, « D », avou l' pitite diyagonåle, « d »). On sait eto uzer l' minme fôrmule ki pol paralelograme.
• Paralelograme : x = s*h (on mopleye li soûmint, « s », avou l' hôteur, « h »).
• Rectingue : x = L*l (on mopleye el longueur, « L », avou el lårdjeur, « l »).
• Trapeze : x = ((C+c)/2)*h (on radjoute les longueurs do grand, « C » eyet do ptit costé, « c ». On dvize li tot e deus. On prind l' erzultat ey on l' mopleye avou l' hôteur, « h »).