Li riboflavene u vitamene B2, c' est ene vitamene del troke des vitamenes B.

Fôrmule tchimike
Tcherpinte dins l' espåce

Ele si dismantche dins l' aiwe, et dner ene solucion orandjêye.

Si fôrmule tchimike, c' est C17H20N4O6.

Ele cåze des maladeyes bén cnoxhowes des årtisses ås poyons.

Ovraedje candjî

Ele boute dins ene peclêye di sistinmes inzimatikes dins l' coir. Dins les inzimes k' eploynut l' vitamene B2, gn a, metans li citocrome-reductåze, li zantene-occidåze, les istaminåzes.

Mancance di riboflavene ås polets candjî

Li mancance di riboflavene ås poyons si voet cobén dins les polets d’ poytreye.

Gn a des senes nierveus, come les doets ki s’ racrapotèt ådvins. Les poyons ni bodjèt waire, mais wårdèt l' apetit, et pepyî l' farene k' on lzî mete djusse djondant.

Gn a eto del schite, k' atake li deujhinme samwinne.[1]

Les poyons rwerixhèt raddimint (2 a 5 djoûs) cwand on lzî rind del vitamene B2.

Sourdants candjî

  1. R.E. Austic and M.L. Scott, Nutritional deficiency diseases, divins "Diseases of poultry, ed. pa M.S. Hofstad, Iowa State University Press, Ames, Iowa, USA ISBN 0-8138-0430-2, p. 50-52.
 
Commons
I gn a so les cmons Wikipedia des imådjes ou fitchîs son a vey avou l' riboflavene .