Politicmint comifåt
Li politicmint comifåt, k' on lome eto sociålmint comifåt, c' est ene manire di dvizer. L' adierça, c' est d' ahouwer d' birer les djins tins k' on scrît ubén dit ene sacwè.
Askepiaedje candjî
El mot-fråze « politicmint comifåt » a stî edvinté tins del Revolucion rûsse, e 1917.[1]
Totfeye, li manire di dvizer politicmint comifåte a stî askepieye pindant l' dijhnêye 1960. L' adierça, a l' atake, c' esteut foiravant di trover ene manire di cåzer eyet d' escrire sins birer les djins des minorités.[2] Houte di çoula, èn ôte adierça, c' est d' mete ces minorités la e dvant-plan.[3]
Critike candjî
Djenerå candjî
Asteure, li politicmint comifåt est rwaitî pa des sakîs timpesse po-z esse ene ideyolodjeye politike. L' adierça d' ciste « ideyolodjeye politike » la, dit-st i, sreut d' poûssî l' cinseure.[2]
D' ayeur, on-z amete voltî les djins politicmint comifåtes avou l' calindje d' uzer sacwants mots. Do côp, ces mots la, i lzès fåt rcandjî, sorlon l' mode politicmint comifåte di dvizer.[3] Foû d' ça, ciste idêye la est sovint mokêye.[1]
Politike do monde coûtchantrece candjî
Åzès Uyessês, e 1991, li prezidint, George H. W. Bush, l' aveut ddja disploré. Dit-st i : « Il ercandje des ancyins predjudjîs pa des noveas ».[4] Låvå, el politicmint comifåt dmeure todi foirt critiké på wårdiveus.[5]
Poirtant, el Beldjike, des pårtis wårdiveus, virpus d' foite droete, avént ddja stî ametou di dvizer d' ene manire sociålmint comifåte po nén daler conte el lwè conte les trepådjes. Metans, el raecisse.[6]
Parintaedje candjî
Les lingaedjes, dit-st i « compurdixhant », sont rwaitîs come des consecwinces do sociålmint comifåt.[7]
Po sacwantès djins, li mot « politicmint comifåt » a stî rcandjî pa èn ôte : « wokisse ».[4]
Hårdêye difoûtrinne candjî
Li prumire des troes videyos eplaideyes so on vobuze ki s' fotnut voltî do politicmint comifåt.
Referinces eyet sourdants candjî
- ↑ 1,0 et 1,1 https://www.britannica.com/topic/political-correctness
- ↑ 2,0 et 2,1 https://www.unifr.ch/universitas/fr/editions/2017-2018/erwachsenenfragen/le-politiquement-correct-un-bien-pour-un-mal.html
- ↑ 3,0 et 3,1 https://journals.openedition.org/ilcea/11482
- ↑ 4,0 et 4,1 https://www.lemonde.fr/idees/article/2021/04/07/woke-le-nouveau-politiquement-correct_6075820_3232.html
- ↑ https://www.theatlantic.com/ideas/archive/2018/10/large-majorities-dislike-political-correctness/572581/
- ↑ https://www.lalibre.be/belgique/2005/08/16/sur-la-voie-du-politiquement-correct-MB64FADV6BGWHFXZI7UUVK7THI/
- ↑ https://journals.openedition.org/ilcea/11623