No d' famile
Li no d' famile, c' est l' no k' ene djin riçût di s' pa (u di s' mame) cwand ele vént å monde.
L' uzaedje ds nos d' famile ni s' a spårdou ki dispu li skepiaedje di l' estat civil, tins do Redjime francès.
Les nos d' famile del Walonreye sont studyîs so ene pådje tote seule.
Uzaedje divant l' estat civil candjî
Divant çoula, on loméve purade les djins avou leu ptit no, et li ptit no (u l' mestî) di s' pa, avou li divancete amon ou mon inte les deus.
- Djôzef d' amon Djåke
- Djôzef d' amon l' Tchårlî
- Môrice mon l’ Dek, et l’ Lucyin mon l’ Gabi,...[1]
On pleut eto eployî li dvancete "di"
- Djihan do Tchårlî
Come dins les ôtes cas d' apårtinance, li dvancete "di" pleut tchaire, on-z ava don :
- Djihan Tchårlî
ki c' esteut on vraiy no d' famile, provant d' on mestî.
Provnance des nos d' famile candjî
Gn a eto bråmint des nos d' famile ki vnèt d' on ptit no. C' esteut sovint l' uzaedje po les efants naturels.
Sacwants nos d' famile provegnnut d' on såvadje no.
Bråmint vinèt d' on no d' plaece, mostrant l' provnance del djin.