Jean-Remy de Chestret (Tchestret e walon) fourit, avou Fabry, onk des borguimwaisses lomés al Binamêye Revolucion (li 8 d' awousse 1789).

I vna-st å monde a Lidje e 1739, eyet mori a Paris e 1809; i fourit mayeur di Lidje di 1784 disk' a 1789.

Dins les belès-letes e walon candjî

Come di djusse, dins l' Paskeye di Djhan Såpire, li curé Marian d' Sint-z-Antoenne, k' a stî foirt kischoyou pås revintreyes come totes les djins d' eglijhe, li critike setchmint:

Ki n’ avîz vs tertos l’ gueuye colêye,
Cwand vos breyîz e l’ måle djournêye :[1]
« Vive Tchestret, Bassindje et Fåbrî,
Levoz, Cologne et Djhan l’ banslî ! »
Vos ouxhîz bén mî fwait do brêre
Ki l’ diåle les saetchaxhe e l’ infier,
K’ avou ses grifes, e trô d’ leu cou,
I faxhe moussî do plonk fondou !

Mins après côp, come c' est les revinteus k' ont wangnî, i va divni on hero nåcionå e Payis d' Lidje. On rdjåze cint ans pus tård dins l' modêye e francès do Tchant des Lidjwès.

Que peut craindre notre ardeur ?
Di cwè pôréns dju aveur sogne ?
Sous Chestret, nous portons les armes.
Di Tchestret, ns serans les sôdårds.
A côté de ce vainqueur,
Tot addlé ci wangneu la
Le péril a des charmes.
Li risse n' est nén a rcrinde.