Foices Årmêyes Revintreces del Colombeye

Les Foices Årmêyes Revintreces del Colombeye, mî cnoxhowes sol sigue F.A.R.C. (Fuerzas Armadas Revolucionarias de Colombia), c' est ene årmêye revintrece ki lûte disconte do govienmint del Colombeye, dispu 1964.

Elle est rwaiteye pås govienmints come ene soce terorisse. Zels, i s' definixhnut come on mouvmint revolucionaire comunisse, marcsisse-leninisse. I dijhnut k' i vlèt fok diminouwer les diferinces di ritchesse dins l' payis.

Les FARC contrént inte 12.000 eyet 17.500 sôdårds.

I sont mwaisses so on grand boket del Colombeye (dipårtumints di Putumayo, di Huila, di Nariño, del Cauca et del Vå del Cauca).

Po s' ecwårler, i fjhèt payî les industreyes et culteures (etur leyes li cene del coca) dins les redjons k' i controlèt. Et apicî des ostaedjes.

Les FARC et les ostaedjes candjî

Les FARC apiçnut sovint des ostaedjes, et les rinde si on lzî paye ene rançon. I dennut 8 moes al famile po vierser les çanses. Ôtmint, les ostaedjes sont-st ahessîs. Et s' fåt i co payî 20 miyons d' pezosses (a pô près 9.000 dolårs) po raveur li coir. E 2006, les FARC årént touwé insi 45 djins [1].

Des ôtes ostaedjes, come Ingrid Betancourt ont stî scrotés a cåze di råjhons politikes. End a 58 di sfwaits, ki les FARC volèt discandjî avou 500 revinteus, prijhnîs do govienmint.

E 2006, les FARC wårdént a pô près 1.100 ostaedjes.

Sourdant candjî

  1. M. Munoz, li prezidint del "Fundación Nueva Esperanza de Secuestrados", dinêye eplaideye e walon pa André Dumoulin, on gaztî po passer s' tins ki scrît dins l' gazete e walon "Li Rantoele"

Hårdêye difoûtrinne candjî