Li bwès d' poye u bos d' poye u ayåbe des tchamps, c' est èn åbe do djinre des oyåbes avou do deur bwès, et des fruts avou des aiyetes.

foyes, fleurs eyet grinnes do doyåve
Foye di bwès d' poye

Sincieus no d' l' indje : Acer campestre.

Eployaedjes candjî

Li doyåbe des tchamps a on bwès fameuzmint coriant (deur), et niereus, k' a l' pelote foirt rexhe[1]

Adon, i sierveut a fé des bresses di tcherete des mantches di hapietes, di hés, di fotche, ou d' ôtès usteyes. Ossu des touwea d' pupe, des bordons, des airs ås fritches, et des pîces di gayoles ås moxhons.[2]

Avou ses nuks (des nocrês ki vnèt foû do buk), on fjheut tot des biblots d' bwès.

On l' lome "bwès d' poye", pask' el bwès wåde li tcholeur cwand k' on l' toutche. C' est po ça k' on s' endè sierveut po fé des djokes ås poyes. Ça lzî tént tchôd leus pates.[3] Ça tchesse eto les rodjes pious, ca i n' si savèt muchyî dvins tins del djournêye.

Adire inte li bwès d' poye eyet l' bwès d' cok candjî

 Loukîz a : Oyåbe#Sacwants oyåbes
  • Li bwès d' poye a des foyes pus ptites et pus arondeyes ki l' bwès d' cok.
  • L' åbe lu-minme est pus ptit. C' est motoit did la ki l' mot "bwès d' cok" vént, li cok estant pus grans ki l' poye.
  • On l' voet sovint å mitan d' on tchamp, u come åbe di boirdeure (li bwès d' cok vént dins les bwès).
  • Li bwès d' poye vént bén sol castinne, mins nén so les schayisses.

Sourdants candjî

  1. E203 a "doïâ"
  2. ALW 6 p. 429.
  3. ALW 6 p. 428.
 
Commons
I gn a so les cmons Wikipedia des imådjes ou fitchîs son a vey avou les åsses .