Dint (ås djins)

Pol discramiaedje des årtikes avou l' mot « dint », loukîz cial.

On dint po ene djin, c' est l' minme organe ki po les ôtès biesses.

(2) emay; (3) ivwere; (4) tchå dintrece; (23) oxhea dintrece

Dinltins, les dints estént råyeyes pa des råyeus d' dints (ki contént sovint des mintes, tot djhant k' on n' åreut nén må).

Asteure, i sont sognîs pa des dintisses, ki vos plèt mete des fås dints.

Motlî

• aveur on dint ki halcote
• on strouk di dint
• råyî on dint, plomber on dint

Antomeye do dint

Li dint est fwait di sacwants coûtches:

• l' emay dintrece: ene coûtche di foirt deure di crustals d' idrocsiyapatite di calciom (Ca10(PO4)6(OH)2) ki rascouve tote li pårteye do dint metou foû des djoixhes.
• l' ivwere dintrece, ki c' est tote li stocaesse tcherpinte do dint.
• li tchå dintrece, avou l' coron do nier.
• l' oxhea dintrece, ki c' est on trô dins l' oxh del mashale u del badjawe.
• li djincive, li frexhe pea del boke ki rascouve li dzo des dints.

Vîs médiaedjes

• Cwand on-z aveut må les dints, on meteut ene goirdjeye di fene sol dint ki fjheut må.
• Dentogène prodût di dvant l' guere di 40. On s' broûléve li djincive u l' linwe avou.

Maladeyes des dints

• pourixhmint d' on dint

Måfôrmaedjes des dints

• bårêyès dints : ele tinèt avou les oxhs; les raecinêyes ni sont nén droetes; ele si racrolèt. Po lzès råyî, c' est rujhûle; on doet pacô soyî dins l' djoixhe. On côpe on boket d' oxh. C' est on difåt d' famile.