Des åbes et des yebes d' åtoû des fagnes (live)

Dès-âbes èt dès yèbes d'âtoû dès Fagnes

Des åbes et des yebes d' åtoû des fagnes (Dès-âbes èt dès yèbes d'âtoû dès Fagnes), c' est on live ki discrît 76 plante k' on trouve e l' Hôte Fagne et dins les payis djondants.

Il est l' ouve da Alphonse Nicolet. Les 76 plantes sont-st enimådjeyes pa Arthur Wey.

Il a rexhou e 2006, eplaidî på Rweyå Club walon d' Måmdiy.

Corwaitaedje

Ci live la a toplin des beas costés.

Li prumî, c' est d' esse tot etir e walon, pår l' adrovaedje da Léon Moor, li dvanzouve do scrijheu, li cou-coviete avou l' biyografeye do scrijheu et do dessineu.

Adonpwis, i mete e walon totes les racsegnes k' on trouve e francès dins E9.

Al fén, li scrijheu, k' est eto on coreu d' fagne, mostere les plaeces la k' il a trové l' plante.

Djivêye des studieyès plantes

(…)

• (l° 27) li braket (Narthecium ossifragum)

(…)