Boschet (biesse)

Pol discramiaedje des årtikes avou l' mot « boschet », loukîz cial.

On boschet (on dit eto on tiket), c' est èn araegnidî ki s' vént agritchî a ene ôte biesse, po lyi sucî l' sonk.

ene frumele d' Hyalomma detritum

Les tikets sont responsåves d' ene cåkêye di maladeyes, les maladeyes cobezacêyes pås boschets.

Vicaedje

Sacwants tikets ni s' agritchnut k' a ene sôre di biesses. Metans : Hyalomma detritum, ås vatches).

Des ôtes polèt piker totès sôres di lodjeus. Metans, li leuvea (Ixodes ricinus) si pout agritchî ås tchéns, ås djins, ås vatches, evdn.

Mopliyaedje

Frumele so s' vinte ki vént d' esse discoplêye d' avou l' måle (on voet l' trô d' edjermelaedje)

L' acoplaedje si fwait sol coir do lodjeu. Li ptit måye si vént plaker sol inte del grosse frumele. Adon, li frumele plinne si rimplit d' sonk a tot sketer (ele "boschetêye"). Pu s' leyî toumer e tere.

Des oûs discloyèt des djonnes tikets ås shijh pates, ki wayimnut po divni des djonneas ås ût pates. Pu des boschets fwaits.

Po bråmint des boschets, — si nén tertos —, li tournante di veye deure èn an.

Sacwants tikets

Tchén griblé d' boschets

• Ixodes ricinus (li seu k' egzistêye el Walonreye, i cobezace li maladeye di Lyme, les rodjès aiwes ås vatches, et tchik et tchak.
• Hyalomma detritum (ki dene ene five ås crexhioûles ås bovrins ezès payis del Mîtrinne Mer.