L' amanite pantere, c' est on epweznant tchampion foirt corant, ki vént dins tos les bwès, del famile des amanites. C' est onk des pus epweznants k' i gn åye.

Amanite pantere
Amanita pantherina
Amanita pantherina
Rindjmint sincieus
Ringne: Fungi (tchampions)
Ecoxhmint: Basidiomycota
Classe: Homobasidiomycetes
Dizo-classe: Hymenomycetes
Ôre: Agaricomycetideae
Famile: Amanitales
Djinre: Amanita
Espece: pantherina

Discrijhaedje candjî

C' est on tchampion avou on tchapea 6 a 10cm lådje, bén plat, brun-rossea, avou des pus bladjès royes ki vont viè l' copete.

Sol tiesse do tchampion, gn a des ptitès blankès taetches, come des gotes di laecea, ki c' est come des peas plakêyes dissu l' tchampion. C’ est cisse caire la k’ el fwait rshonner al pea d’ ene pantere. C’ est did la ki s’ no vént.

Les lames sont libes, blanc crinme eto.

Li pî est blanc 6 a 10 cm hôt, et 1,5 cm lådje. Il est lisse, avou 1 a 3 aneas avou on vwele.

Après l' bule (rinfelmint do dzo do pî), gn a des ptits bôrlets ki rimontèt sol dizo do pî.

Li tchå est blanke, foirt tene et mole.

I n' a pont d' odeur ricnoxhåve.

Biyonaxhe candjî

I vént al tere dins tos les bwès (ossu bén dins les sapéns, ki les bwès ås foyes).

On l' trouve pa ptitès taetches, di l' esté å cmince di l' erire-såjhon.

Epwezonmint candjî

Dins l' amanite pantere, gn a les minmes pwezons ki l' amanite towe-moxhes, mins end a co dpus dins l' pantere.

Ci n' est nén råle ki des djins k' endè magnèt morénxhe.

On s' pout brouyî avou li spesse amanite et li rodjåsse amanite.

Bibiografeye candjî

Tites des lives e francès k' i gn a avou pus di racsegnes so ç' tchampion la:

  • Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
  • Marcel Bon: Champignons de France et d'Europe occidentale (Flammarion, 2004)
  • Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
  • Roger Phillips : Les champignons (Solar, 1981) - ISBN 2-263-00640-0
  • Thomas Laessoe, Anna Del Conte: L'Encylopédie des champignons (Bordas, 1996) - ISBN 2-04-027177-5
  • Peter Jordan, Steven Wheeler : Larousse saveurs - Les champignons (Larousse, 1996) - ISBN 2-03-516003-0
  • G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaefffner: Le guide des champignons (Reader's Digest, 1982) - ISBN 2-7098-0031-4
 
Commons
I gn a so les cmons Wikipedia des imådjes ou fitchîs son a vey avou Amanite pantere .